Nafarroako adinekoen egoitza pribatuen eta etxez etxeko laguntza-zerbitzuen lehen hitzarmen probintzialaren negoziazio mahaiaren bilera Iruñean egiten zutela probestuz, Elizondoko zahar etxeko langile talde batek elkarretaratzea egin zuen atzo Nafarroako hiriburuan, IDEA enpresak 2018tik berritu gabe dagoen egoitzako hitzarmena negoziatu nahi ez duelako.
Langileek bortz greba egun egin dituzte dagoeneko, eta bertze hiru greba egun deitu dituzte ekainaren 10 (gaur), 15 eta 17rako. LAB sindikatuak bere babes osoa eskaintzen die langileei, eta IDEA patronalari eskatzen dio langileekin negoziatzera eser dadila eta akordio batera irits dadila.
